‘Arti’ i duarve

Gjeth i qendisur🍂

“Gjyshe, si perballohet nje dhimbje?”

“Me duar, shpirt. Po u mundove ta besh me mendje, ne vend qe te lehtesohet, dhimbja do te forcohet edhe me shume.”

“Me duar, gjyshe?!”

“Po. Duart tona jane antenat e shpirtit tone. Po i vure ne levizje duke qepur, duke gatuar, duke pikturuar, duke bere muzike ose duke punuar token, do te dergojne sinjale ne thellesi te shpirtit tend. E ai do te qetesohet, sepse po i kushton vemendje. E keshtu nuk e ka te domosdoshme te te dergoje dhimbje, per te patur vemendjen tende.”

“Vertet kaq te rendesishme jane duart?”

“Po, bija ime. Mendo te porsalindurit. Ata nisin ta njohin boten duke prekur çdo gje, me duart e tyre te vogla. Po te vesh re duart e te moshuarve, ato te flasin ty me shume se cilado pjese e trupit te tyre.

Thuhet se gjithçka e bere me dore, eshte bere me zemer. Sepse ne te vertete eshte keshtu : duart dhe zemra jane te lidhura me njera - tjetren. Ata qe bejne masazhe e dine mire, kur prekin trupin e nje personi tjeter, krijojne nje lidhje te padukshme me te. E pikerisht efekti i saj sjell sherimin.

Mendo te dashuruarit: kur preken, lind ndjenja me sublime”

“Duart e mia gjyshe, ka kohe qe nuk i perdor keshtu!”

“Levizi, zemra ime. Fillo te krijosh me to, e gjithcka brenda teje do te gjallerohet. Nuk do te vanitet dhembja, jo. Do te transformohet ne nje pune te bukur. 

Do te lendoje me pak. Se ke per te perkedhelur rrenjet e saj.”

E. Barnabè

(Nga ital. shqip MC)

Për ...gruan W.Sheakspeare

Për gjithë dhunën e ushtruar ndaj saj,
për të gjitha nënshtrimet që ka përjetuar,
për trupin e saj që keni shpërdoruar,
për inteligjencën e saj që keni shkelur,
për paditurinë në të cilën e keni lënë,
për lirinë që i keni mohuar,
për gojën që i keni mbyllur,
për krahët që i keni prerë,
Për të gjitha këto:
 Ngrihuni më këmbë, zotërinj,
Para një gruaje!"


 William Shakespeare
 (Ital.shqip M.C)

13 Nentor - Dita nderkombetare e miresjelljes

Një fjalë e sjellshme është si një ditë pranvere.(Fjalë e urtë ruse)

 13 nëntor është Dita ndërkombëtare e Mirësjelljes. 
Ka lindur falë levizjes "Japan Small Kindness Movement", e themeluar në Tokio në vitin 1988. 

Nel 1996, pikërisht në Tokio u krijua edhe grupi "World Kindness Movement".

Mirësjellja për të cilën bëhet fjalë, përfaqëson një cilësi, një karakteristikë etike që shpreh vëmendjen dhe respektin ndaj tjetrit, e që bazohet në gjestet e vogla, durimin dhe përkujdesjen. Qëndron gjithashtu në plotësimin e nevojave të vogla të tjetrit pa harruar vetveten.

Çdo njeri që takon po lufton një betejë për të cilën nuk di asgjë. Ji i sjellshëm. Gjithmonë.

(Platoni)

Ji i sjellshëm sa të jetë e mundur. Është gjithmonë e mundshme.

(D.Lama)

Kur masës dhe mirësjelljes i shtohet forca, kjo e fundit bëhet e parezistueshme.

(Gandhi)

Unë nuk njoh asnjë shenjë tjetër superioriteti tek njerëzit, përveç atë të të qenit i sjellshëm

(L.Van.Bethoven)

Fjaët e sjellshme nuk kushtojnë asgjë Nuk irritojnë gjuhën e as buzët që i shqiptojnë. Janë ilaç për ato që i dëgjojnë. Projektojnë imazhin e tyre në shpirtrat e njerëzve, dhe janë një pamje e bukur.

(B.Pascal)

Kemi dy veshë dhe një gojë pë të dëgjuar dy herë më shumë nga ç'themi

(Epiteti)

Ji një ylber në retë e dikujt tjetër. 
(M.Angelou)

Mund të shlyesh një kredi florinjsh, por vdes gjithmonë borxhli ndaj atyre që janë treguar të sjellshëm.
 (Fjalë e urtë Maleze)

Butësia dhe mirësjellja nuk janë shenja dëshpërimi dhe dobësie, por janë shprehje të forcës dhe vendosmërisë.
 (K. Gibran)

Mirësjellja është gjuha që shurdhi dëgjon dhe i verbri shikon  
(M.Twain)

(info web shqip mc)

HISTORI E SHKURTER - Pesimisti

B. Ferrero "A ka njeri atje lart?"

Na ishte njëherë një i moshuar që kurrë nuk kishte qenë i ri.
 Gjatë gjithë jetës së tij, në të vërtetë, nuk kishte mësuar si të jetonte.
 Ndaj , nuk dinte se si do të vdiste.
Nuk kishte as shpresë e as shqetësime; nuk dinte as të qante e as të qeshte.
Gjithçka që ndodhte në botën përreth tij, nuk i bënte përshtypje; as e gëzonte, e as e hidhëronte.
Ditët e tij i kalonte duke u sjellë rrotull kasolles së tij, pa hedhur sytë qiellit, asaj pafundësie të kristaltë e të kaltërt, të cilën, perëndia e pastronte çdo ditë me fjolla të buta prej reje, edhe për të.
Ndodhte që ndonjë kalimtar e pershendeste.
Ishte kaq i kaluar në moshë, saqë i bënte njerëzit të mendonin se ishte shumë i mençur, ndaj kërkonin të merrnin mësim nga përvoja e tij ndoshta shekullore.
"Cfarë duhet të bëjmë që të ndjehemi të lumtur?"- e pyesnin të rinjtë.
"Lumturinë e kanë shpikur budallenjtë"- përgjigjej plaku.
Andej pari kalonin edhe njerëz me shpirt fisnik, e që dëshironin të ndihmonin të tjerët.
"E si mund të ndihmojnë të gjithë ato persona që kanë nevojë?"- pyesnin ata.
"Ai që sakrifikon veten për të tjerët është budalla."- përgjigjej i moshuari.
"E si mund t'i ndihmojmë fëmijët tanë që të ndjekin rrugën e drejtë në jetë?" - e pyesnin prindërit.
"Fëmijët?! Fëmijët janë gjarpërinj." - përgjigjej plaku.
"Prej tyre mund të presësh vetëm kafshime të helmuara."
Edhe artistët e poetët shkonin që të merrnin këshilla prej atij që e mendonin të mençur.
"Na mëso si ti shprehim ndjenjat që kemi në shpirt:" i thonin.
"Do të ishte më mirë të mbyllnit gojën:" belbëzonte plaku.
Pak nga pak idetë e tij të liga e të trishtueshme patën ndikimin e vet në botë.
Andej nga ajo qoshja e tij e rrënuar, ku nuk çelte lule e nuk cicëronte zog, Pesimisti (se ky ishte emri i të moshuarit të urryer) shpërtheu një acar kundër mirësisë, bujarisë që, të shtypur nga kjo erë shkatërruese, përkuleshin e thaheshin.
Por e gjithë kjo bëri që Perëndia të ndihej keq, dhe vendosi që të ndryshonte këtë situatë shkatërruese.
Thirri një fëmijë dhe i tha:- "Shko dhe jepi një të puthur atij të moshuari fatkeq:"
Fëmija u bind.
I hodhi rreth qafës krahët e tij të dashura e bufe dhe i dha një të puthur të lagësht e zhurmuese në faqe e rreshkur.
Për herë të parë në jetën e tij u habit plaku. Sytë e tij të mjegulluar ndritën menjëherë. Sepse asnjeri nuk i kishte dhënë një të puthur.
Ndaj  i ktheu sytë nga jeta dhe pastaj kaloi përtej, me buzeqeshje në buzë.

photos by Oni

Nganjëherë, me të vërtetë, 

mjafton një perkedhelje

Një "Të dua shumë" 

Një pëshpëritje e thjeshtë

Një "Faleminderit" e thënë lehtë

Një vlerësim i sinqertë

Eshtë kaq e thjeshtë të bësh dikë të lumtur

Atëherë, përse të mos e bëjmë?

Bruno Ferrero, " C'è qualcuno lassù?"

Nga ital. ne shqip M.C

Ji vetvetja ---E. Heminguej

Be yourself

Be who you are

Ti nuk je gjitha vitet e tua

As masa e rrobave që vesh

As emri yt nuk je

As qukat në faqet e tua

Ti je gjithë librat që ke lexuar

Je çdo fjalë që ti thua

Je zëri yt i përgjumur në mëngjesesh

Je buzëqeshjet që mundohesh të fshehësh

Je ëmbëlsia e të qeshurës tënde

Je çdo lot që të ka rrjedhur

Je kënga që ke kënduar me zë të lartë

Kur e dije që ishe vetëm

Je edhe vendet të cilat ke parë

Je i vetmi njeri që thërret shtëpi

Je gjithçka në të cilën beson

Je gjithë personat që do shumë

Je fotografitë në dhomën tënde varur

je e ardhmja që vizaton

Je bërë prej një bukurie të pafund

Por gjithë kjo s'të hyn në sy, ndoshta

Që kur ke vendosur të jesh

Gjthçka tjetër përveç vetvetja

shqip M.C

Legjenda e ngjyrave të ylberit

Si lindi ylberi


     
   
 Një legjendë e vjetër irlandese
 tregon se aty ku përfundon ylberi,
 gjendet një qyp plot me flori,
 të cilin e ruan një xhuxh. 
Thuhet gjithashtu se, 
nëse në ylber mbizotëron ngjyra e kuqe, - është shenjë bollëku për stinën e verës, 
nëse mbizotëron  jeshilja - do të prodhohet vaj ulliri me bollek,
  nëse mbizotëron e verdha, - do të ketë grurë me bollek.

Shumë kohë më parë ngjyrat e ylberit u grindën keq me njëra - tjetrën. Secila mendonte se ishte më e rëndësishme, më e dobishme, më e preferuara nga të tjerat.

JESHILJA thoshte:" Me siguri unë jam më e rëndësishmja. Unë jam shenja e jetës dhe e shpresës.
Mua më kanë zgjedhur bari,  pemët, e bimësia. Pa mua të gjitha kafshët do të ngordhnin. Ja, shikoni përreth ndër fshatra dhe do të vini re se unë mbizotëroj nga të gjitha ngjyrat e tjera...

BLU-ja e ndërpreu: -  "Ti flet vetëm për tokën, por nuk e ke llogaritur qiellin, detin! Eshtë uji që bie nga retë në detin e thellë. Qielli të jep hapesirë, paqe e qetësi. Pa mua, ju do të ishit asgjë.

E VERDHA u hodh: - "Ju jeni kaq seriozë! Unë sjell buzëqeshje, gëzim e ngrohtësi në botë. Dielli është i verdhë, hëna është e verdhë, yjet janë të verdha. Kur çelin lulediellit, gjithë bota duket se buzëqeshë. Pa mua nuk do të kishte gezim..."

PORTOKALLJA ia priti: -" Unë jam ngjyra e shëndetit dhe e forcës. Mundet të jem e dobët, por e çmueshme, sepse unë jam e nevojshme për njerëzit. Unë mbaj me vete vitaminat më të rëndësishme. Mendoni karotat, kungujt, portokallet, mangon, dhe papajen. Unë nuk jam përherë e pranishme, por kur mbush qiellin në agim dhe perëndim, bukuria ime është kaq impresionuese, sa askujt nuk i vete mendja tek asnjëra prej jush...

E KUQJA: - foli me ze te larte, pak më tej : "Unë jam mbretëresha e të gjithave. Unë jam ngjyra e gjakut dhe gjaku është jeta, dhe ngjyra e rrezikut dhe e kurajos. Unë jam gati të dyluftoj  për një qëllim, unë  bej gjakun zjarr, toka pa mua do të kishte qenë bosh si hëna. Unë jam ngjyra e pasionit, e dashurisë, trëndafili i kuq, lulekuqja...

MANUSHAQJA u ngrit më këmbë. Ashtu e lartesuar, foli me zë të fuqishëm: - Unë jam ngjyra e mbretërve dhe e pushtetit. Mbretër, udhëheqës e pushtetar më kanë zgjedhur gjithmonë mua, sepse jam shenjë e autoritetit dhe e diturisë. Njerëzit nuk pyesin... mua më dëgjojnë dhe më binden...!

Në fund, ngjyra VJOLLCE, me shumë qetësi, por me vendosmëri, foli: " Mendoni mua, unë jam ngjyra e heshtjes, ju më vini re me vështirësi, por pa mua ju jeni sipërfaqësore të gjitha. Unë përfaqësoj mendimin dhe reflektimin, muzgun dhe ujërat e thella... Ju të gjitha keni nevojë për mua për të krijuar kontrastin e barazinë, për t'u lutur dhe për t'i thurur lavde paqes... "

E kështu ngjyrat vazhduan që të diskutonin, secila me bindjen se ishte superiore të tjerave. U grindën gjithmonë e më shumë pa arsyetuar.
Papritur një vetëtimë theu qiellin ndjekur nga një zhurmë shumë e fortë. Bubullima dhe shiu  i rrembyr, që vijoi më pas, i frikësoi shume,ndaj  u mblodhën të gjitha bashkë, për t'i dhënë zemër njëra-tjetrës...

Në mes të zhurmës, SHIU nisi të fliste:" Ju ngjyra budallaçka,  grindeni mes jush dhe secila nga ju kërkon të mbizotërojë mbi tjetrën... A nuk e dini ju, se secila nga ju është krijuar për një qëllim të caktuar dhe të ndryshëm? Kapuni për dore dhe ejani me mua"
Pasi u pajtuan, u kapën dorë për dore.
SHIU vazhdoi: "Tani e tutje, kur të bjerë shi, çdonjëra nga ju do të shtrihet përgjatë qielli në formë harku ngjyrash për të kujtuar se ju jetoni të gjitha në paqe me njëra tjetrën.
e keshtu lindi ai qe quajme ylber.
YLBERI është shenjë e shpresës dhe e Paqes për të Nesërmen...

                        Ne shqip nga ital. M.C

Legjenda e fijes se kuqe (japoneze)

Sipas kësaj legjende të vjetër japoneze, çdonjëri nga ne  lind me një fije të kuqe të lidhur në gishtin e vogël të dorës së majtë. Kjo fije na lidh në mënyrë të pandashme me personin më të cilin jemi të destinuar që të bashkohemi për gjithë jetën. E nuk ka asgjë: -as personat, as largësitë, as rrethanat-  që të mund të pengoje dy shpirtra të lidhur nga kjo fije, që të  bashkohen.
(...)

Wei kishte mbetur jetim prej të dy prindërve që në moshë të njomë. Pikërisht për faktin se kishte qenë shumë i vetmuar e ngaqë ishte kujdesur vetë për vetveten, dëshira më e madhe e tij kishte qenë gjithmonë, të martohej e të kishte shumë fëmijë. Pavarësisht dëshirës së tij, kur arriti moshën madhore, nuk kishte mundur të gjente një grua që donte të martohej me të, ose një të tillë, pas së cilës të ishte i dashuruar. Gjatë njërit prej udhëtimeve të tij, pranë një tempulli, Wei u takua me një zotëri të moshuar, i cili po çlodhej duke lexuar një libër: ai nuk ishte tjetër veçse zoti i martesave dhe libri pershkruante se si dy persona ishin të destinuar të takoheshin për të jetuar gjithmone bashke. Pasi u prezantua, i hodhi nje sy librit dhe i tregoi Weit se motivi pse ai nuk ishte martuar akoma, ishte se gruaja e cila, ishte e lidhur me të përmes një fije të kuqe e do të behej bashkëshortja e tij; ishte akoma e vogël, tre vjeçe, dhe se duhej të priste akoma gati katërmbëdhjetë vjet derisa ta njihte e pastaj të martohej me të. Wei mbeti paksa i habitur nga profecia, e në njëfarë mënyre, edhe i zhgënjyer; ndaj pyeti me kuriozitet se çfarë përmbante thesi mbi të cilin zotëria plak ishte mbështetur. Ky i fundit tha se brenda ishte fija e kuqe e fatit që lidhte burra e gra të destinuar të jenë bashkë. Bëhej fjalë për një fije të pandashme, e pamundur ta këpusje dhe që krijonte një lidhje qe nuk shpërbëhej dot: kështu personat e lidhur nga kjo fije ishin të destinuar që të takoheshin, herët a vonë, e do të martoheshin pavarësisht sjelljes së tyre, sjelljes së të tjerëve, e ngjarjeve të përjetuara ose nga çdolloj tjetër ndikimi të jashtëm. Wei, tashmë i çorientuar dhe i zhgënjyer prej profecisë ë parë, nuk mundi të besojë as edhe këtë përgjigjen e fundit, vendosi të hakmerrej me qëllim që të ishte i lirë të zgjidhte vetë se me kë do të martohej, kështu dha urdhër që të vrisnin vajzën, që sipas rrëfimit të të moshuarit tek tempulli, do të ishte gruaja e tij e ardhshme. Shërbyesi e plagosi vajzën në kokë, pati mëshirë për të e nuk mundi ta vriste. Vajza ishte plagosur, por për fat i ishte kursyer jeta. Wei vazhdoi jetën e tij në kërkim të një gruaje, të cilën nuk arrinte ta gjente, edhe pse vitet kalonin. Katërmbëdhjetë vjet më vonë, Wei akoma beqar, takoi një vajzë shtatëmbëdhjetë vjeçe që vinte nga një familje e pasur, e më në fund, pas pak kohe, u martua me të. Vajza, që kur e kishte njohur, kishte mbajtur në kokë një fashë. Kur erdhi momenti intim i çiftit, e reja kundërshtoi që ta heq atë, duke iu kundërvënë kuriozitetit të burrit. ajo nuk u përmbajt dot më dhe shpërtheu në lot nga turpi dhe rrëfeu arsyen se përse nuk donte që të hiqte fashën nga balli. Ajo kishte një shenjë plagosjeje poshtë saj, të cilën ia kishte shkaktuar një burrë, kur ajo ishte tre vjeçe. Pas atyre fjalëve Weitit iu kujtuan fjalët e zotit të martesave tek tempulli dhe urdhërin që i kishte dhënë shërbyesit të tij. Tani ishte ai që shpërtheu në lot, duke rrëfyer se kishte urdhëruar që ta plagosnin, madje ta vrisnin atë. Me tu sqaruar e gjitha e duke njohur më mirë historitë e jetës së tyre, e pranuan me gëzim lidhjen e tyre. Të kërkuar prej fatit në mënyrë të paevitueshme, dy të rinjtë e deshën më shumë njëri - tjetrin e jetuan të lumtur së bashku...

burimi:web  shqip M.C

http://hejedrite.blogspot.it/

HAIKU

Poezi e shkurter me tre vargje - haiku


Haiku është një formë e poezisë e shpikur në Japoni. Ata që e shkruajnë, përqëndrojnë mendimet e tyre në numërimin e rrokjeve. Kjo është forma bazë.
Një haik i ngjan një recete, e cila duhet të ketë përbërësit e duhur për t'u quajtur e tillë.
*  Ka vetëm tre vargje me shtatëmbëdhjetë rrokje: pesë(vargui i parë) / shtatë (vargui i dytë)/ pesë(vargu i tretë).
*  Duhet të përmbajë një "kigo" që do të thotë një fjalë që ka lidhje me stinët, e që bën pjesë në traditat japonese si p.sh: të përdoret fjala: lulëzim për të treguar pranverë.
*  Haiku ështe zakonisht shprehi e situatave dhe emocioneve të përditshme.

Ja disa haike perkthyer nga anglishtja


Sa deshti era
ta bëjë pëmën e shelgut
lëmsh e li
                                Chijo-ni


Asgjë s'ekziston
që të ngjajë kaq shumë
hënës së verës
                              Basho


Le të shkrihet
në shirat e dimrit silueta ime
që pas m'ndjek
                           
                               T Santoku 

Mbi degëz të ngrirë
ëndërron pranverë zog i vogël
oh, diell për t'pa

                              unknown

E dua natën
që të jetë e thjeshtë-
Një hënë e plotë


                             M. Mclintock

Emily dickinson in albanian language

 VARGJE TE POETES AMERIKANE EMILY DICKINSON NE GJUHEN SHQIPE

NJE FJALE ESHTE SHUAR

Nje fjale eshte shuar 

Sapo eshte shqiptuar

Mendon dikush

Une te kunderten kam menduar

Fjala ne momentin e thene 

Fillon e jeton.

UNE JAM ASKUSH , 

TI KUSH JE

Une jam askush! Kush je ti

Edhe ti askushi je

Pra u bekemi dy - mos e bej fjale!

Mund te na zbojne, e di.

Sa e trishte me qene dikush!

Sa e bujshme, si nje bretkoce

t'ia thuash emrin gjithe diten e lume 

Nje tartabiqi qe admiron!

KUR DIKUSH NDAHET PREJ NESH PERGJITHMONE

Kur dikush ndahet prej nesh pergjithmone

S'e ndjejme mungesen menjehere

Kthimi i tij na duket i mundur

Edhe kur eshte mbushe nje vit i tere

Edhe pasi jemi nise per tek ai

Vazhdojme te mos besojme prape

Ngaqe kaq te afert me te jemi 

E te kaluren e tij kemi dashte

NDJEVA NJE QARTESIM NE MENDJEN TIME

Ndjeva nje qartesim ne mendjen time

Por truri im e kish ndare me dysh

Uperpoqa ta bashkoj ate, rresht per rresht

Por me mbeti prape i ndare sic ish

Mendimet pastaj shtrengohem ti bashkoj

Me kot brenda mendimit qe pata

Pasi sekuencat me shkeputen prej lidhjes

Sic bejne mbi dysheme ca gogla.

LAMTUMIRE

Lidhu pas jetes sime, prijesi im

Se une jam gati per t'u nise

Do te hedh nje shikim kuajve te tjere

Shpejt e shpejt vec nje shikim

Me bej vend ne piken me te forte

Qe une te mos rrezohem asnjehere

Te vrapojme te dy drejt fitores

Ja pertej kodres atje tej

Nuk me trembin kurre pengesat

As deti s'me trembi jo

Te bej pjese ne garen eterne

Kjo qe zgjedhja ime zot

Lamtumire jetes qe jetova

Dhe ty o bote qe te njoh

Mi puth kodrat per muanjehere

Tani jam gati qe te shkoj.

JA LETRA IME DREJTUAR BOTES

Ja letra ime drejtuar botes

Qe asnjehere mua s'me shkroi

Te reja nga natyra plot thjeshtesi

Me fisnikeri ajo me tregoi

Mesazhi i  saj eshte shkruar

Prej gishterinjsh qe si shoh dot

Per hir te saj o njerez te dashur
Me butesi gjykomeni sot.

perktheu nga anglishtja M.C
prill 2004