Filozofia e milingonave J. Rohn

Jim Rohn dhe filozofia e milingonave

«Nder vite, femijeve u kam dhene nje mesim te thjeshte: filozofine e milingonave. E mendoj se te gjithe duhet ti studiojne milingonat. Ato kane nje teori te mahnitshme ne kater pjese. 

Ja e para - Milingonat nuk dorezohen para veshtiresive. Kjo eshte filozofia e duhur.
Nese jane nisur per diku e provon ti ndalosh, ato kthehen, hipin aty-ketu, germojne poshte, sillen rrotull; e provojne te gjejne nje udhe tjeter.

Sa filozofi e qarte! Mos resht se kerkuari nje menyre per te arrire qellimin qe i ke vene vetes. 

E dyta- Gjate gjithe dimrit, milingonat mendojne per veren. Gje shume e rendesishme kjo. Gjate dimrit ato i kujtojne vetes; "nuk do te zgjase shume, se shpejti do te dalim qe ketej"

Keshtu diten qe temperaturat fillojne te ngrihen, ato dalin.
 Nese rikthehet i ftohti, ato struken perseri e mezi presin qe te dalin prape. Nderkohe vazhdojne te mbajne qendrim pozitiv.

Pjesa e trete e filozofise se milingonave, eshte se gjate gjithe veres mendojne per dimrin.
 E kjo eshte prespektiva e duhur. Nuk mund te jesh kaq naiv, sa te mendosh se vera do te zgjase pergjithmone. Keshtu ata mbledhin veres ushqimin e dimrit.
Nje thenie e vjeter thote: " Mos e nderto shtepine tende mbi reren e veres"

Perse na duhet nje keshille e tille?!
 Sepse eshte shume e rendesishme te jemi realist. Gjate periudhes se veres duhet te mendosh per shkembin dhe stuhine, ndersa i gezohesh reres dhe diellit. 

Kjo perben pjesen e fundit. Sa ushqim mbledh nje milingone gjate veres? Aq sa te kete mundesi.
Filozofi e pabesueshme kjo: Gjithçka qe te eshte e mundshme.

Wow, sa mesim i mrekullueshem per tu pervetesuar.

 Ideologjia e milingonave : Mos u dorezo kurre, merre jeten me pozitivitet, mendo per te ardhmen dhe bej gjithçka qe mundesh.»

 shqip M.C

Dedikim -Nje qershor -dita e femijeve.

Sot festohet 1qershori, festa e femijeve. Uroj festen femijeve te mi.

Uroj qe kjo feste te jetoje ne zemrat dhe shpirtin tuaj gjithe jeten.

Nuk uroj te fitoni gjithmone ne jete, por te luftoni gjithmone per te fituar, sepse vete jeta eshte e tille.

Nuk dua te merrni diçka qe nuk e meritoni, por nese mendoni se meritoni diçka duhet te ushtroni te gjitha forcat tuaja per ta patur, çfaredo lloj objetivi te jete.

Mesoni ti njihni njerzit me te cilet keni te beni. 

Jini koherent dhe kini respekt ndaj atyre qe shprehin keto cilesi ndaj jush. 

Te tjeret, besomeni, nuk kane se ç' t'ju mesojne ne jeten tuaj.

Nese beni pjese ne nje grup, kini respekt per gjithe grupin, pa bere dallime. E pergezoni kedo qe ka sukses, sepse dikush ka patur besim ne aftesite e tij. E mos u shkurajoni nese dikush nuk iu pergezon per suksesin tuaj, çmojeni per  sinqeritetin ... 

Ne jete, nuk duhet te keni kushedi se sa miq, ne radhe te pare duhet te jeni miq te vetvetes, sepse do te thote se mund te jeni mire edhe vetem e "vetmia eshte liri" ... sepse kush nuk mund te jetoje pa turmen nuk njeh liri.

E nese me te vertete ua do zemra te kini miq te mire, duhet ti zgjidhni ato. Mund te ndodh qe te njihni persona, te cilet nuk ka rendesi se sa kohe jane te pranishem ne jeten tuaj te perditshme, te cilet do te mbesin te tille; vetem te njohur... e duhet ta dini se eshte e mundur qe duhen lene rruges sepse "kur kupa mbushet... mbushet e kaq"

Jini gjithmone te drejte e te vertete me veten tuaj; thoni gjithmone te verteten dhe njerzit e gabuar do largohen vete. E ju lutem mos falni dy here ca persona, do te perserisin te njejtin gabim ndaj jush; sepse ekzistojne dy kategori njerezish : ato qe gezohen duke bere mire, e ata qe gezohen duke bere keq, ja, nga keta te fundit mbrohuni. 

Mos beni kompromise me jeten  tuaj, o,  nese duhet, bejeni me dike qe ia vlen.

Ah, edhe diçka tjeter, mos jini te padrejte me zemren tuaj, asnjehere, sepse zemra dihet nuk njeh arsye, qan, qesh, ben shaka... por, mundohu ni me te gjitha forca te ruani shpirtin tuaj. Nuk eshte organ ne trupin tuaj, por ekziston. Eshte ai vendi i paster ku duhet te hyjne vetem njerezit qe jane njerez e qe na ndihmojne te jemi te tille.

E, mbi te gjitha, mbani mend se çdo gje qe beni ne jeten tuaj, e beni per veten, per te rriturit qe do te beheni. MOS JINI SI GJITHE TE TJERET, JINI VETVETJA.


M.C 1qershor2017

Kuak...kuak...kuak

Kur u krijua bota, shiu nuk ekzistonte. 
Ndaj të gjitha kafshët u mblodhën të shqetësuara grupe grupe duke i drejtuar thirrjet e tyre drejt qiellit që të sillte shiun. 

Të parët provuan elefantët, me britmat e tyre, pastaj hipopotamët e pastaj luanët, por shiu nuk binte që nuk binte. 

Pastaj i erdhi rradha xhirafave, e më pas kafshëve më të vogla: pelikanëve, lepujve dhe minjëve. 
Por, prapëseprapë nuk funksionoi.

Të fundit e kishin rradhën bretkocat.

Të gjitha kafshët u luteshin atyre që t'i drejtoheshin qiellit me kuak- kuakjet e tyre duke shprehur nevojën e tyre për ujë. 

Bretkocat që mezi po prisnin, filluan kuak-kuakjet të gjitha së bashku dhe britmat e tyre ishin aq shurdhuese dhe të papëlqyeshme, sa qielli u lodh duke i dëgjuar, ndaj u mbulua me re të dendura dhe lëshoi një shi të furishëm, sepse nuk i dëgjonte dot.

Kështu bretkosat pushuan britmat e tyre të kënaqura. 

E që atëherë ndihen padrone të ujit,  sepse qenë ato që bënë të mundur   

rënien e shiut, e duke jetuar në moçal, vazhdojnë të kuakjojnë duke kërkuar të bjerë shi vazhdimisht...

tregim popullor Bantu)
shqip M.C

Kur të... 🏞

🏞 Vëzhgojini më shpesh yjet.

Kur të ndjeni se diçka ju peshon në shpirt, vështroni yjet o kaltërsinë e qiellit. 

Kur të ndiheni të trishtuar, kur t'ju ofendojnë, kur diçka nuk shkon ashtu siç dëshironi, kur furtuna të shpërthejë në shpirtin tuaj...

dilni në ajrin e pastër dhe bëhuni njësh me qiellin, vetëm, ju të dy. 

Atëherë shpirti juaj do të gjejë qetësi.

Marrë tek «Letrat» e P. Florenskij

Ne lartesine e nje femije

"Femija mendon me ndjenja e jo me  intelekt"

Cfarë po thoni?!
Është e lodhshme të merresh me fëmijët.
Keni të drejtë.

Pastaj shtoni:

Sepse duhet të vihesh
Në nivelin e tyre,
Të përulesh, të zhdërvjellesh, të përkulesh,

Të bëhesh i vogël.
Tani e keni gabim.

Çfarë lodh më shumë nuk është kjo.
Është më shumë fakti se je i detyruar të lartësohesh
deri në lartësinë

 e ndjenjave të tyre.

Të tërhiqesh, të zgjatesh,
Të vihesh
 majë gishtash.

Për të mos i lënduar.

                                                               Drawing E.J.Parocki

Autori polak Januz Korzak (1879-1942)
ishte psikolog, poet, pedagog, edukator e mendimtar i lirë
Vargjet janë marrë tek vepra e tij "Kur të bëhem fëmijë përsëri"

keto vargje te mençura mbajnë në vetvete gjithe punën që të rriturit duhet t'i përkushtojnë fëmijëve.
Për të qenë në lartësinë e tyre duhet ta shohim botën qe na rrethon me sytë e një fëmije,

Mars🌸

•Erërat e marsit e shirat e prillit sjellin lulet e majit

•Në muajin mars, bletët e mençura flejnë akoma

•Era e marsit nuk ndalet shpejt

•Marsi i blen nënës pallton dhe tre ditë më pas ia shet

•Marsi ndërron shtatë kapele në ditë

•Marsi ngjyen, prilli lyen

•Shkurti shkurton urë, marsi mbledh lëkurë

•Marsi i çmendur, shiko diellin e merr çadrën

•Marsi vjen si një luan, e shkon si një qingj

Dashuria ekziston...

Dashuria ekziston.

 Ajo ndodhet ndër gishtërinjtë bufe të dy duarve të vockla të një bebeje të porsalindur, të cilat, kur i prek, të shtrëngojnë të tuat me shumë ëmbëlsi, si për të të thënë 'nëse ti më do shumë, edhe unë të dua shumë ty' 

...sepse ndër ato gishtërinj të brishtë rrjedh limfa e jetës, ëndërrohet premtimi për një jetë të re, për një ditë të re, për një dëshirë të re, një të ardhme, e një ëndërr të re, duke të përçuar atë ndjesi që të bën të të mbushen sytë me lot nga lumturia.

#Erick #Oni #love